Verkefnin okkar
Hér yfirlit yfir valin verkefni sem endurspegla reynslu okkar og sérþekkingu. Fyrir hvert verkefni er að finna yfirlit yfir umfang, lausnir og árangur, auk skýrslna sem hægt er að hlaða niður til frekari greiningar.
Trukkahleðslur við þjóðveginn
Verkefnið fólst í greiningu á uppbyggingu hleðsluinnviða fyrir rafmagnstrukka við þjóðvegakerfi Íslands. Verkefnið var unnið í samstarfi við Íslenska NýOrku fyrir Vegagerðina og RARIK, með það að markmiði að meta hentugar staðsetningar, aflþörf og kostnað við innviðauppbyggingu.
Greiningin sýndi að rafvæðing þungaflutninga er bæði tæknilega og fjárhagslega raunhæf á Íslandi og að hægt er að hefja uppbyggingu strax með samhæfðu átaki lykilaðila. Sérstök áhersla var lögð á hlutverk rafhlöðubanka (BESS) til að draga úr afltoppum og bæta hagkvæmni innviða.